Çак ỹкерчĕкре “Ольдеевская” агрофирмăн тĕп агрономне А.А.Самаркина куратăр. Теплица хуçалăхĕ ăнăçлă аталанса пынинче унăн тỹпи те пысăк. Кăçал паянхи кун тĕлне, сăмахран, предприяти 7150 тоннăна яхăн е пĕлтĕрхинчен 330 тонна ытларах пахча-çимĕç пухса илнĕ. Хальхи вăхăтра агрофирмăра пахча-çимĕç лартса ỹстермелли çĕнĕ сезона хатĕрленеççĕ. Çавна май вăрлăхсемпе удобренисем, торф çителĕклĕ илсе килнĕ, çĕрсене сухалаççĕ, тĕрлĕ чирсемпе хурт-кăпшанкăсене хирĕçле профилактика ĕçĕсем туса ирттереççĕ. Паллах, тĕп агрономăн нихăçан та пушă вăхăт çук, Алексей Александрович цехсенче, агрономи службинче тăтăшах пулать, хальхи çĕнĕ технологисемпе интересленет. Çакна палăртма кăмăллă: А.А.Самаркина нумаях пулмасть Шупашкар районĕн Хисеп грамотипе наградăларĕç.